Magnus Carlsen er årets Peer Gynt
– Magnus Carlsen er ein flott og viktig representant for Noreg innafor ein stor idrett. Vi gler oss til å få han inn i Peer Gynt klubben og på besøk til Vinstra under Peer Gynt-stemnet i august, seier leiar i nominasjonskomiteen Marit Breivik.
Peer Gynt prisen går til ein person eller institusjon som har markert seg positivt på det samfunnsnyttige plan, og som har gjort Noreg kjent i utlandet. Peer Gynt prisen vart stifta i 1971, og Einar Gerhardsen var den fyrste prisvinnaren. Det er Stortingsrepresentantane som bestemmer kven som får prisen. Magnus Carlsen blir den 41. og den yngste i historia som får Peer Gynt prisen.
- Det er ei stor ære for meg å få tildelt Peer Gynt prisen. Eg set veldig stor pris på at folk legg merke til, og interesserer seg for, mine resultat på sjakkbrettet. Det er ingen sjølvfølgje i ein sport som mange kan oppleve utilgjengeleg, seier Magnus Carlsen.
Magnus Carlsen er ein av verdas beste sjakkspelarar, og det er enorm internasjonal interesse for 20-åringen. Det siste året er han blant anna portrettert av kjende medier som Al Jazzera, TIME Magazine og Der Spiegel.
- At ein ung nordmann går til topps på verdsrankinga i sjakk, som den fyrste vestlege sidan 1975, er noko som blir lagt merke til ute i verda. Denne veka har det prestisjetunge magasinet "The New Yorker" ein omfattande profil på fenomenet Magnus Carlsen, seier manager Espen Agdestein.
Denne veka spelar Magnus Carlsen ei stor turnering i Moonaco, og han er derfor ikkje tilgjengelig for media. Men han har stadfesta at han kjem til Vinstra for å ta i mot prisen på Opningsforestillinga under Peer Gynt-stemnet onsdag 3.august. Prisen blir delt ut av Stortingsrepresentant Henning Warloe frå Høgre.
Peer Gynt Forum 2011 - "Å forløyse ein draum"
industrileiar Ralph Høibakk, forretningskvinne og forskar Sivija Seres, samt coach og tidligare toppidrettsutøvar
Cato Zahl Pedersen. Kva drøymar hadde dei? Kva motstand møtte dei? Og korleis vart drøymane forløste? Kva skal til for å lykkes? Kven var deira gode hjelparar? Kva drøymar dei om i dag?
Peer Gynt Akademi
Med denne kunnskapen er det å ta dei ansvarlege vala viktigare no enn nokon gong. Vi ønskjer det. Vi tenkjer det. Ja, vi vil det med. Men gjer vi det? Vår måte å opptre på, og forholdet vi har til menneskja rundt oss er eit høve til å bidra til likevekt i verda. Det å vera ein ansvarleg Verdsborgar bør bli sjølvsagt for oss alle.
”Det gyntske selv, - det er den Hær af Ønsker, Lyster og Begjær, - det gyntske selv, det er det Hav af Infald, Fordringer og Krav”. Dette er verda slik vi og kjenner den. Og i denne jungelen av lyster, begjær, fordringar og krav er det vi skal leve våre liv.
Vår presentasjon av Henrik Ibsen sitt fantastiske verk i nært samspel med naturen er eit godt bakteppe for å setja søkjelyset på alvorlege tema i verda i dag. Peer Gynt-opplevingar skal gjera at du ser deg sjølv, og reflekterar over dine eigne val. Dersom det kan bli resultatet, har vi kanskje gjort vårt til å bidra til at verda går i riktig retning.
