Du er her: peergynt.no > Presse > Pressemeldingar

Ny og spennande vinterframsyning under produksjon

15.10.2007

Peer Gynt as er i gang med å produsere ei heilt nyskrive vinterframsyning for barn og vaksne. Det skal vera ei eigenprodusert utandørs teaterframsyning som tek utgangspunkt i dei sterke Per Gynt tradisjonane vi finn i Gudbrandsdalen.
Den nye framsyninga tek over etter ”Nissene på Gålå” som har vore spelt dei siste fem åra.

I 5 år har Peer Gynt as utvikla eit vinterkonsept spesielt retta mot barn. Den populære framsyninga ”Nissene på Gålå” har sidan urpremiera i 2003 samla 15000 små og store tilskodarar. Framsyninga har teke utgangspunkt i fjernsynsdramaet ”Jul i Blåfjell”, ”Amalies jul” og ”Jul på månetoppen”. Produksjonen har vore eit samarbeidsprosjekt med NRK.

- Når vi nå avsluttar nissekonseptet er det for å kunne utvikle eit heilt nytt dramatisk stykke. Den nye framsyninga skal henvende seg til ei breiare målgruppe og knytte seg sterkare til Per Gynt tradisjonane i Gudbrandsdalen, seier Kjersti Stenseng.

Til å skrive manus har Peer Gynt as fått med seg forfattar Petter Rosenlund . Han er mellom anna mannen bak den populære TV-serien Thomas P. som for tida går på NRK. Han var ein av manusforfattarane for fjernsynsserien ”Hunter” (2007) og dokudramet ”Drømmen om Norge” (2005). I 1998 vann han Ibsenprisen med stykket ”En umulig Gutt”. Den nye vinterframføringa er klar for premiere vinteren 2009.

For nærmare informasjon:

Knut Kvidaland

Kommunikasjonssjef/Communication manager

Tel: +47 61 29 47 70 Mob: + 47 908 78 903

knut@peergynt.no www.peergynt.no