PRESSEMELDING 05.05.2009 Ole Gunnar Solskjær valt til Årets Peer Gynt 2009

 - Ole Gunnar er ein verdig og flott prisvinnar som vi ønskjer velkommen inn i Peer Gynt klubben, seier Marit Breivik, leiar av nominasjonskomiteen.
Ole Gunnar Solskjær (født 1973) er kjent for sin mangeårige innsats i fotballverda, samt for sitt store samfunnsengasjement nasjonalt og internasjonalt. Han har framstått som ein framifrå rollemodell for barn og unge verda over, og har engasjert seg sterkt i Unicef. Han har fått mange prisar og heidersutmerkingar. I 2008 vart han utnemnd til Riddar av fyrste klasse av Den Kongelege Norske St. Olavs Orden og i 2007 fekk han Kniksens heiderspris. Han har vore ambassadør for Unicef sidan 2003.
Heidersprisen - Årets Peer Gynt vart stifta av Per Gynt-stemnet i 1971, med Einar Gerhardsen som fyrste prisvinnar.  Sidan 1973 er det stortingsrepresentantane som har valt Årets Peer Gynt. Ein nominasjonskomité nominerar etter gitte kriteria tre kandidatar til prisen. Desse oversendast til stortingsrepresentantane for avstemming.

Det arbeidast nå med å få prisvinnaren til Peer Gynt stemnet på Vinstra 29. juli til 8. august, for å få overrekt prisen under festivalen.