Dyreparken Utvikling AS går inn som medeigar i Peer Gynt as.
- Ein svært kompetent aktør, som vi ser fram til å ha med på laget, seier leiar i Stiftelsen Peer Gynt, Gunnar Tore Stenseng.
Peer Gynt as har i lengre tid vore på utkikk etter nye samarbeidspartnarar for å sikre og vidareutvikle Peer Gynt-satsinga i Gudbrandsdalen.
Peer Gynt as og Dyreparken Utvikling as har i fleire år hatt eit godt og konstruktivt samarbeid gjennom arbeidet i BIT Reiseliv. Begge selskapa jobbar med opplevingar som ramme og premiss. Dyreparken Utvikling as har også lang erfaring knytt til regional satsing og produktutvikling. Kunnskap det vil vera nyttig å ta med i den vidare drifta og utviklinga av Peer Gynt as si verksemd i Gudbrandsdalen.
- Dyreparken, og jeg personlig, er imponert over det arbeidet som er lagt ned i Peer Gynt AS, og det selskapet og alle bidragsyterne har fått til, seier Reidar Fuglestad, konsernsjef i Dyreparken Utvikling AS . - Vi gleder oss til å være med å videreutvikle virksomheten og ser et stort potensiale for framtiden. Vi har mye og lære av de erfaringer som er gjort både kunstnerisk og internasjonalt og vi håper vi kan dele de erfaringer vi har hatt med å utvikle en av Norges mest besøkte temaparker. Dyreparken har lange tradisjoner for å utvikle en regions opplevelser og reiseliv.
Styrkje heilårleg verksemd
Partane ønskjer å samarbeide om å styrkje Peer Gynt as finansielt og kompetansemessig, slik at selskapet blir i stand til å vidareutvikle potensialet som ligg i Peer Gynt-konseptet, kunstnarisk og forretningsmessig. I dette ligg mellom anna etablering av eit heilårleg opplevingstilbod med utgangspunkt i Midt-Gudbrandsdalen.
- Det er særleg utviklingspotensialet som ligg i den heilårlege verksemda som ein ønskjer å sikre og styrke gjennom tilføring av kapital og kompetanse. Målet er heilårleg verksemd basert på kreative aktivitetar og kunstnariske produksjonar tilrettelagt for eit nasjonalt og internasjonalt publikum, seier Eli Blakstad, administrerande direktør i Peer Gynt as.
Dyreparken Utvikling AS vil ha 50% av aksjane og tilfører Peer Gynt as 5 milll.
Den andre halvparten av aksjane fordelar seg på Stiftelsen Peer Gynt, Gudbrandsdalen Reiseliv og andre lokale interesser. Desse går inn med 2 mill.
Det nye styret vil bestå av 5 medlemar. Dyreparken Utvikling AS oppnemnar to, og dei andre partane to. Styreleiar oppnemnast etter semje mellom partane.
For nærare informasjon:
Knut Kvidaland,
Tlf +47 90978903
Kommunikasjonsjef Peer Gynt as
