Årets Peer Gynt i fastare formar

Heidersprisen Årets Peer Gynt vart innstifta av Per Gynt-stemnet i 1971, med Einar Gerhardsen som den fyrste prisvinnaren. Sidan 1973 er det stortingsrepresentantane, etter initiativ frå den første vinnaren, som har valt årets Peer Gynt blant kandidatar nominert av Per Gynt-stemnet sin arrangementskomité. Praksis har vore at berre vinnaren har vore offentleggjort.

I samråd med Stortinget har Peer Gynt as og styret for Peer Gynt-stiftelsen kome fram til at det vil vere rett å oppnemne ein nominasjonskomité, som ut frå innkomne forslag nominerer tre kandidatar. Desse blir så oversendt til stortingsrepresentantane for avstemning. Namna blir samstundes gjort offentlege. Årets Peer Gynt blir offentleggjort innan utgangen av mars.

For perioden 2007 – 2010 er det oppnemnt slik nominasjonskomité:

·           Marit Breivik (leiar)

·           Jan Egeland

·           Berit Brørby

·           Håkon Gullvåg

·           Gunnar T. Stenseng (rep. frå stiftelsen Peer Gynt)

·           Kjersti Stenseng, Peer Gynt as er sekretær for komiteen

Medlemmane av komiteen skal representerer ulike fagfelt, slik at vurderinga blir så brei og balansert som råd. Komiteen blir oppnemnd for fire år om gongen, og nye medlemmar blir utnemnd av Peer Gynt as i samråd med og etter forslag frå dei sitjande komitémedlemmane.

For meir informasjon:

Kjersti Stenseng                                           Halvor Løkken 

Festivalsjef  Per Gynt-stemnet                        Informasjonssjef Peer Gynt as      

Mobil: 900 80 774                                         Mobil: 416 45 556