Ellen Horn blir Mor Åse ved Gålåvatnet

”Ellen Horn er ein framifrå skodespelar, ho har tolka mange av litteraturens mest kjende kvinneskikkelsar og har den erfaring og kunstnariske tyngde som er naudsynt for å tolke ei så krevjande rolle som Mor Åse i Peer Gynt ved Gålåvatnet er. Vi er glade og stolte over å få Ellen Horn i staben”,  seier Festivalsjef Kjersti Stenseng.

Den nye mor Åse i Henrik Ibsens ”Peer Gynt” ved Gålåvatnet går til oppgåva med bankande hjarte.
- Å overta som Mor Åse på Gålå er en stor ære og en kjempe  utfordring for meg som skuespiller, og jeg har takket ja til oppgaven med bankende hjerte!, sier Ellen Horn i ein kommentar.

Ellen Horn var kulturminister i regjeringa Stoltenberg frå 2000-2001, og ho har hatt ei rekkje tillits- og styreverv innafor kulturfeltet, mellom anna som styreleiar for Den Norske Opera og Ballett. Ho er utdanna skodespelar og har vore tilsett ved Oslo Nye Teater, Nationaltheatret og Torshovteatret. Ho var konstituert som teatersjef for Nationaltheatret frå 1988-1990, og ho var teatersjef frå 1992 til 2000.

Etter perioden som kulturminister vendte Ellen Horn attende til Nationaltheatret som skodespelar, før ho gjorde suksess på turne med Riksteatret i mellom anna ”Undset” og Ingar Sletten Kolloen sitt drama om Marie og Knut Hamsun: ”Jeg kunne gråte blod”. I 2005 tok ho over som teatersjef for Riksteatret. Frå tv og film er ho kjend frå ”Jul på Månetoppen” og ”Den Brysomme mannen”. Ellen Horn er kommandør av St. Olavs Orden.
Ellen Horn overtek rolla som Mor Åse etter Kari Simonsen.

For nærare informasjon:
Knut Kvidaland,
Kommunikasjonsjef Peer Gynt as                                                 
tlf +47 90878903  knut@peergynt.no