Dennis mistar drømmerolle på grunn av kneskade

Dennis har ei skade i kneet. Skaden er etter kvart vorte så alvorleg at Dennis må på operasjonsbordet så fort han har spelt si siste framsyning av Spelemann på taket.

- ”I dag er det to personar som har innøvd hovudrolla som Peer Gynt i Peer Gynt framsyninga ved Gålåvatnet. Ved sidan av at det er ei krevjande rolle, må Peer også beherske Gudbrandsdalsdialekten til fulle. Vi har brukt lang tid på å finne den som skal overta etter Svein Sturla Hungnes. Når Dennis nå dessverre blir sjukmeldt gjennom sommaren, er vi glade for at Hungnes har sagt ja til å bli med eitt år til. Han har gjort ein strålande prestasjon i rolla som Peer i mange år, seier festivalsjef for Per Gynt-stemnet, Kjersti Stenseng.

Dennis Storhøi skal likevel delta på Per Gynt stemnet i sommar, da i hovudrolla i i den kritikarroste framsyninga ”Peer Gynt – verdensborger av gemytt”. Han kjem og til å vera på plass på Gålå for å ta del i prøver og fortsetje innstudering mot 2008.

Svein Sturla Hungnes hadde også sett fram til å ha Dennis Storhøi på scena, men innser no at sommaren hans blir noko annleis enn han hadde tenkt.

-         Eg trivst veldig godt med rolla, og for meg har dette vore eit eventyr. Men for ein 60-åring er dette ei utfordrande rolle, og eg hadde bestemt meg for å sleppe til yngre krefter. Ein ting er i alle fall sikkert -  no må joggeskoa fram att, seier Svein Sturla Hungnes.