Stjernelag klare for ny Peer Gynt-satsing
Det er vinter og snø. Peer står flombelyst øvst i halfpipen da han
plutseleg hamnar på innsida av fjellet. I møtet med underverda blir
allting med eitt snudd opp – ned, når Peer må lære trolla å bli troll
på ny....
Trollkoden er eit moderne eventyr der
manusforfattar Petter Rosenlund lar seg inspirere av det underjordiske,
av segntradisjon og Henrik Ibsen. Ei fabulering omkring kampen mellom
natur og kultur. Mennesket har mange stader tatt over naturen, med lys,
lyd, maskiner og motorar. Men naturen har kreftar og evner vi ikkje
veit om og forstår. Kva skjer den dagen naturen slår tilbake?
Regissør
Erik Ulfsby har nettopp hausta strålande kritikkar for ”Jungelboka” på
Det Norske Teatret (terningkast 6 i VG). Nå lovar han spektakulært
utandørs teater ved Gålåvatnet:
-Jeg gleder meg til å ta i bruk
den flotte scenen på Gålå, der vi skal vise en spektakulær og spennende
forestilling for et ungt publikum, seier regissør Erik Ulsby.
-Vi
er utruleg stolte over denne satsinga, og syner nå at vi tek eit ansvar
i forhold til eit forsømt område: det blir utvikla altfor lite ny
scenedramatikk i Noreg – særleg for ei yngre målgruppe, seier leiar for
kunstnarisk avdeling i Peer Gynt as, Kjersti Stenseng.
Arbeidet
med storsatsinga er godt i gang. Kostymedesignen er snart klar,
scenograf Arne Nøst har skissene klare for scena, med handling lagt
både over og under bakken (!), medan komponist Atle Halstensen er i
ferd med å tonesette trolsk vinterstemning ved Gålåvatnet.
Frank Kjosås spelar hovudrolla, og er spent på korleis publikum tek i mot ein ung Peer ved Gålåvatnet:
-
Det skal verta moro å kaste seg inn i verda til ein sagnomsust rolle
som Peer er. Han står riktig nok på snøbrett, men han er framleis seg
sjølv nok. Verre blir det kanskje med snøbrettet….eg skal øve iallfall,
seier Frank Kjosås.
Med ei stjernespekka rolleliste i
kombinasjon med lokale aktørar håpar og trur Peer Gynt as at folk vil
kjenne si besøkingstid når Trollkoden har premiere Skjærtorsdag, 9.
april kl. 22.00 på Friluftsscena ved Gålåvatnet.
For nærare informasjon:
Knut Kvidaland
Kommunikasjonssjef
Peer Gynt as
Tel. +4790778903
knut@peergynt.no
