Anitras Lounge – marokkansk matoppleving ved Gålåvatnet

Vi gjer Peer Gynt sine ord til våre, og inviterar til gode matopplevingar i eit marokkansk telt ved Gålåvatnet - midt i den norske fjellheimen. Anitras Lounge er ope for alle - både dei som skal sjå teaterforestillinga og dei som berre vil ha ei eksotisk matoppleving.

Kl. 17:00: Marokkansk middag
Vi rullar opp teltdøra, tar lokket av tajinane og fyller teltet med eksotisk luft og smak. Det blir servert 3-rettars middag. Vi startar middagen med fem ulike smakar/forrettar, hovudretten er kylling-tagine servert med ovnstekte potetar og til dessert får vi ein frisk appelsinsalat. Middagen avsluttast på tradisjonelt marokkansk vis med myntete og dadlar med valnøtt, akkompagnert av "På scenekanten" - ein introduksjon til teateret. Bestill billettar til middagen i Anitras Lounge her.

Kl. 21.00 (pausa): Sal av varmande mynte-te og harira-suppe.

Kl. 22.30: Nattmat, varm harira-suppe
Etter teaterforestillinga er det klart for nachspiel i vårt oppvarma, marokkanske telt. Her kan alle treffast i uformelle rammer og nyte marokkansk harira-suppe. Det er gratis inngang, og dei som ønskjer det kan kjøpe Harira-suppe. Eit godt alternativ til å sitte i bilen og vente på å komme ut frå parkeringsplassen!