Du er her: peergynt.no > Stemnet > Siste nytt

Klart for premiere på Peer Gynt ved Gålåvatnet - og ledige billettar!

29.07.2009

29. juli kl. 19.30 er det klart for premiere på Peer Gynt ved Gålåvatnet. Forestillinga fyller i år 20 år, og Ellen Horn, Pia Tjelta og Silvia Moi debuterar på scena.

Peer Gynt er Noreg sitt nasjonalepos og har sin naturlege plass i verdslitteraturen. Henrik Ibsen si historie om fattigguten, storskrytaren og eventyraren Peer har i snart 150 år begeistra og røska i publikum verda over. Kva vil det seie å vera seg sjølv?

Med Gudbrandsdalsnaturen som kulisse, og med Edvard Griegs scenemusikk, er utandørsforestillinga Peer Gynt ved Gålåvatnet det næraste du kjem Henrik Ibsens ”originale” Peer Gynt. Forestillinga, som er ei av Noregs mest etterspurte teaterforestillingar, feirar i år 20-årsjubileum.

"Adjektivene strekker ikke til så det får bli en sammenligning: Utsikten fra Peer Gynt-teateret får Operaen til å se billig ut". (Aftenposten, 01.08.08)

Med: Dennis Storhøi (Peer Gynt), Ellen Horn (Mor Åse), Pia Tjelta (Anitra), Mari Maurstad (Den Grønkledde/Ingrid), Silvia Moi (Solveig), Rune Reksten (Dovregubben/Begriffenfeldt/Den Magre), Stein Grønli (Knappestøyparen)

Regi: Svein Sturla Hungnes
Dirigent: Ole Kristian Ruud
Med Peer Gynt Kammerorkester, Peer Gynt kammerkor og lokale aktørar

TID: 29., 30. og 31. juli. 1., 3., 5., 6., 7. og 8. august. Alle dagar kl. 19.30

STAD: Friluftsscena ved Gålåvatnet

PRIS: 540,- (v) / 220,- (b) - bestill billettar her