Bli med som frivillig under Peer Gynt-stemnet!

”Oss ska røske ti de…” er visjonen for Peer Gynt-stemnet. Gjennom verdiane ekte, ope og lækje inviterer vi besøkande og artistar til unike kunstneriske produksjonar med naturen som ramme og inspirasjon - i tindrande sol eller pøsande regnvêr.

Peer Gynt-stemnet tek imot 25 000 besøkande i 10 dagar til ulike arrangement. For å lykkes med visjonen ”oss ska røske ti de…” treng vi hjelp frå  400 frivillige til å skape opplevingar. Det skal riggast scene, lys og lyd på tre store fantastiske utandørsarenaer. Skuespelarar skal sminkast og ha hjelp til å få kostyme til å passe, og 400 skal ha servert vafler. 25 000 skal få tilbod om å kjøpe mat og produkt, og nær 2000 skal serverast marokkansk mat i Anitras Lounge.

PEER GYNTS VENNER er ei forening for alle frivillige - les meir her.

Vi treng deg enten du er 10 eller 80 år!

”Helt imponerende at de fortsatte å spille helt uanfektet når det pøste ned som værst. Det kaller jeg profesjonalitet!” (tilbakemelding i publikumsundersøkinga 2009)

"Peer Gynt betyr nesten alt for meg og tjue år av livet mitt ligger der. Jeg elsker Gålå og har veldig mange venner der oppe” (Svein Sturla Hungnes i intervju med Ukeavisen Ledelse 29.1.2010)

”Forholdet til de frivillige ? Det er jo som et familietreff hver eneste sommer. De er fantastiske. Samholdet og gleden har vært avgjørende for disse årene” (Mari Maurstad i GD intervju 29.1.2010)

"Samme hvor du snur deg blir du møtt med et smil" (Kristin Svennungsen, Wilh. Wilhelmsen, sponsor, aug. 2009)

PÅ PEER GYNT-LAGET TRENG VI HJELP TIL FØLGJANDE OPPGÅVER:

Vertskap
Ta imot publikum, anvise plassar og svare på spørsmål. Vera med på matsal før forestilling og i pausa.

Billettør
Sal av billetter og billettsjekk. Vera med å registrera publikum for marknadsundersøkingar.

Produktsal
Sal av Peer Gynt-produkt på arenaene. Under forestilling er det moglegheit for å vera med på mindre oppgåver back-stage.

Kiosk
Klargjering og sal før, under og etter forestillingar.

Anitras Lounge / Bar
Servering av 3-retters marokkansk middag, nattmat og suppe i pausa. Opprydding. Sal av øl og vin i baren(18 års grense).

Vaffelbu
Tilberede og servere mat til frivillige.

Amatørskuespelarar i Peer Gynt-teatret
Vera med som aktør saman med profesjonelle skuespelarar og musikarar. Vi treng folk i alle aldre. Enkelte talerollar.

Amatørdansar i TidarÅ
Vera med som aktør saman med profesjonelle dansarar og musikarar.

Korsongarar/aktør i massescener i Peer Gynt-teatret
Bli med å syng i Peer Gynt-koret (litt erfaring frå kor er ein fordel)

Rekvisitt/scene
Istandsetting av sceneområde med kulissar og rekvisittar før prøver og forestillingar. Bidra under forestilling med sceneskift og rekvisittar.

Kostymer
Vera med å tilpasse kostymer. Reparasjonar og nysøm. Vera med under øving og forestillingar med påkledning og reparasjonar.

Sminke
Enkle sminkeoppgåver. Fint å kombinere med andre oppgåver, f.eks. billettør eller produktsal.

Arena
Istandsetting av arena. Enkle snekkeroppgåver, tilkjøring og rigging av utstyr, inndekking med høyhesjer, lauving og gjerding.

Turvert
Vera med grupper ut på organiserte, korte opplevelsesturar for barn og vaksne, med utangspunkt frå friluftsscena ved Gålåvatnet.

Sjåfør
Transport av folk og utstyr.

Artist-/ gjestevert
Ta imot og sørge for at artistar og inviterte gjestar blir ivaretatt.

Vakt på kunstutstillinga
Vera med som vakt og omvisar på kunstutstillinga.

SOM FRIVILLIG FÅR DU FØLGJANDE GODER:

Alle frivillige får:
* ei flott T-skjorte med årets Peer Gynt-sitat
* enkel bespisning i løpet av vakta

Frivillige som er med på 4 vakter eller meir får i tillegg eit frivilligpass i sitt namn som gir desse godene:
* Rabattert billett til kr. 100,- på ”Ope Peer Gynt Hus” i 2010 (ord.pris kr. 150/180,-)
* 20 % rabatt på årets Peer Gynt-produkt
* inngang for deg og en venn på generalprøva på Peer Gynt-teatret 27. juli
* inngang for deg og en venn på generalprøva på TidarÅ torsdag 29. juli
* inngang for deg på konserten Ved Rondane søn. 1. aug.
* inngang på offisiell opning av Peer Gynt-stemnet
* inngang på utdeling av Årets Peer Gynt
* inngang på årets kunstutstilling
* premierefest
* avslutningsfest i Peer Gynt Huset, 7. aug.

Amatørskuespelarar/dansarar/kormedlemmar, back-stage personale som er med i øvingsperioda og på kvar forestilling, samt gruppeleiarar, får i tillegg:
* ein billett til TidarÅ eller Peer Gynt ved Gålåvatnet, onsdag eller torsdag
* kjøregodtgjering tur/retur heimstad - arena
* inngang for deg og ein venn på konserten Ved Rondane søn. 1. aug.

Som frivillig må du:
* møte til avtalt tid og gi beskjed ved sjukdom
* vera ein ekte, ope og lækje Peer Gynt-ambassadør

Alle frivillige inviterast til felles samlingar med informasjon:
* vårmønstring 24. april i Peer Gynt Huset, på ettermiddagen
* korøving i Peer Gynt Huset (for Peer Gynt koret) 24. april kl. 12.00
* kick-off på Peer Gynt Huset, torsdag 22. juli kl. 16.00

Datoar  – Peer Gynt-stemnet 2010

Spørsmål? Ta kontakt med Marit Brende på tlf: 971 80 780
eller Eli Blakstad på tlf: 952 41 362

FOR Å REGISTRERE DEG SOM FRIVILLIG, KLIKK HER

Frivilligpass blir sendt deg i posten så fort du har meldt deg som frivillig.
Velkome på laget!