Ved Rondane
Når Peer Gynt Kammerorkester med 40 profesjonelle musikarar dreg paukar, kontrabassar og seg sjølv til fjells for å halde klassisk konsert under open himmel, vitnar det om eit ønskje om å dele noko heilt spesielt med publikum. Dette er ekstremsport utført med feleboge og tversover.
Det er den norske musikken – frå tradisjonsmusikk til kunstmusikk – som står i fokus på Peer Gynt-stemnet sine konsertar. Naturen som inspirasjonskjelde for musikk er temaet. Å leike seg med element frå naturen, og å nytte naturen som arena, kan skape nye klangar og nye stemningar. Ta plass i lyngen, og høyr Peer Gynt kammerorkester og internasjonale solistar framføre verk frå den norske kunstmusikken.
Med Eldbjørg og Ragnhild Hemsing og Peer Gynt Kammerorkester under leiing av Ole Kristian Ruud. Konferansier: Ellen Horn.
TID: Søndag 1. august 2010, kl. 14.00
STAD: Rondane Høgfjellscene, Kvamsfjellet
PRIS: 400,- (v) / 160,- (b)
Idé / design: Grønt Gress www.grontgress.no | Foto: Peer Gynt AS